Eric Louw High School, Musina

Hoërskool Eric Louw is ‘n dubbelmedium skool in Musina, in Limpopo Provinsie, en het dus die voordele wat ‘n plattelandse atmosfeer bied.

By Eric Louw is akademie nommer een, en ons is baie trots op ons akademiese rekord. Ons meet onsself aan die matriekuitslae, sowel as die sukses wat ons oudleerlinge in tersiêre inrigtings behaal. In 2007 is Eric Louw as Nr 18 in die hele Limpopo Provinsie aangewys op grond van ons goeie matriekuitslae. In 2008 ontvang ons weereens ‘n trofee as een van die toppresteerders in die provinsie. Ons matriekklas van 2009 lewer die nr 10 kandidaat in Limpopo Provinsie op. Ons skool het ‘n wye vakkeuse van gr 10-12, nl 18 vakke.

Sport en kultuur is deel van die totale opvoeding, en natuurlik is pretdae soos waatlemoenfees na pretloop en “Survivor-dag” ook deel van ons skooljaar. Sport wat hier aangebied word is atletiek, landloop, krieket, swem, tennis, sokker, rugby, netbal, skaak, seuns- en dogtershokkie en gholf. Eric Louw se leerlinge blink elke jaar uit in talle sportsoorte as Provinsiale spanlede. Ons het ook telkens leerlinge in die Nasionale sportspanne.